لەگەڵمانبە لە:

هەواڵ

کاوە عەبدولقادر: مانگانە ١٨٠ ملیۆن دۆلار دەچێتە گیرفانى پارتى و یەکێتى

3/21/2022 12:10:12 AM

  • کاوە عەبدولقادر پەرلەمانتاری نەوەی نوێ رایگەیاند، رۆژانە (٣٥ ) هەزار بەرمیل نەوت بەقاچاغ ئاودیوی سنورەکانی ئێران دەکرێت و زیاتر لە (٢٥) هەزار بەرمیلی تریش دەدرێتە پاڵاوگە حزبیەکان لە ناوخۆی هەرێم بەبێ ئەوەی دینارێکی بۆ خەزێنەی حکومەت بگەڕێتەوە.

    کاوە عەبدولقادر پەرلەمانتاری نەوەی نوێ لە پۆستێکی لە لاپەڕەی فەرمی خۆی لە فەیسبووکدا رایگەیاند، ئەگەر ئەو بڕە نەوتە؛ نرخی هەربەرمیلێک لە بازاڕی ئێستا کە (١١٠) دۆلارە ئێمە (١٠) دۆلار کەمتر حسابی بکەین، کۆی گشتی مانگانە دەکاتە (١٨٠) ملیۆن دۆلار.

    ئەو ئەندامپەرلەمانەی نەوەی نوێ دەڵێت، "هەموو ئەو داهاتە دەچێتە گیرفانی دوو حزبی دەسەڵاتداری هەرێمی کوردستان، کەچی هاوڵاتیانی هەرێم لە سەرەی بەنزین شەو و ڕۆژ دەکەنەوە و موچەخۆرانیش بە پەنجا ڕۆژ موچەیەک وەردەگرن."

    باسی لەوەشكردووە،"ئەمە ئەو سیستەمە گەندەڵ و ستەمکارەیە کە باکی بەهیچ شتێک نییە و لەپێناو بەرژەوەندییە شەخسی و حزبی و بنەماڵەییەکانیان هەموو میللەتیان کردووەتە قوربانی خۆیان."

    ئاماژەی بەوەشکردووە، "ئیتر دەبێت هاوڵاتیانی کوردستان تێبگەن کە ئەو دوو حزبە بوونەتە ڤایرۆس بەسەر کۆمەڵگا و ڕۆژ لەدوای ڕژ ژیانی خەڵک تاریکتر دەکەن.چارەسەریش تەنها خۆ ڕزگارکرنە لەو دوو حزبە و هێنانە خوارەوەیانە لەسەر کورسی دەسەڵات."


زۆرترین خوێندراو