لەگەڵمانبە لە:

هەمی تاریا دونیایێ نەشێت ڕۆناهیا شەمالکەکێ ڤەشێرت

فاروق عومەر
ل دەمێ لەشکەرکێشیا سوپایێ تورکیا بۆ سەر ڕۆژئاڤا و کۆشتنا هۆڤانە یا زارۆک و ژن و پیر و کالان و ئاوارەبوونا هزاران مالباتان و بەڵاڤبوونا دیمەنێن تراژیدی و بنپێکرنا بوهیێن مرۆڤی، بێ هیڤیبوونەکا زێدە ل سەر ئاستێ جەماوەری و بگرە ل سەر ئاستێ کەسایەتیێن سیاسێ یێن تەقلیدی ژی دروست بوو، پتریا وان نەک ب تەنێ وێرەکیا ڕاگەهاندنا هەلویستەکێ ئاشکرا نەبوون، بەلکو ب ڕاستەوخۆ یان نەڕاستەوخۆ دبوونە بەشەک ژ بێهیڤبوونا جەماوەری و شیانێن خواندنا واقعیانە بۆ پێشهاتان نەبوون، لێ د گەرما وێ بێهیڤیبوونێ دا سەرۆکێ ڤەلڤینا نەوەی نوێ شاوار عەبدولواحد پۆستەک بەڵاڤکر و تێدا بەرۆڤاژی بۆچوون و خواندنێن بێ دیراسە و نەواقعیانە، هیڤی بۆ خەلکێ چێکر و ئاماژە ب خالێن بهێز یێن ڕەوشێ کر و دیار کر کو کورد د نوکەدا زۆرترین پشتەڤانی لێ دهێتە کرن و پێدڤیە مفا ژ ڤان پەیوەندی و هەڤسۆزی و پشتەڤانیان بهێتە دیتن و ل سەر ئاستێ ئەمریکا و ئەورۆپا و وەڵاتێن عەرەبی ژی دۆستێن کوردا زێدەبوونە و خویاکر کو ئەڤ ڕەوش دێ بتە بازدانەکا مەزن بۆ بەرەڤپێشچوونا دۆزا کورد.
پشتی هەیامەکا کێم بەرۆڤاژی خواندنێن کەسێن ڕەش بین و هیڤی کوژ، ڕەوش ب جۆرەکێ هاتە گۆهارتن کو هەمی سیاسیان شیانێن پیشبینیکرنا وێ نەبوون، ترەمپی پەیوەندی ب مەزلۆم کۆبانێ کر و وەک جەنەڕالەک لێزان و جهێ شانازیێ پەسنا وی کر، وەزیرێ بەرەڤانیێ یێ روسیا ڤیدیۆ کۆنفرانسەک دگەل مەزلۆم کۆبانێ ئەنجامدا و شەڕ هاتە ڕاگرتن و دەڤەرا خوەڤەکشیانێ ژ 422 کیلۆمەتران بۆ 120 کیلۆمەتران هاتە کێمکرن و دەستهڵاتا خۆسەری ل ڕۆژئاڤا ما و ل سەر ئاستێ ئەنجوومەنێ ئاسایشێ هەلویستێن رۆن و ئاشکرا هاتنە دیتن و پەرلەمانێ ئەورۆپا ژی هەڤسۆز و پشتەڤانیا ڕۆژئاڤا بوو و چەندین وەڵاتێن ئەورۆپی ژی وەک هەلویست بریار دان چەکی ب تورکیا نەفرۆشن و هەڤسۆزیا خوە بۆ ڕۆژئاڤا دیار کرن، ئانکو هەمی پێشبینی و خواندنێن سەرۆکێ ڤەلڤینا نەوەی نوێ ڕاست دەرچوون و ژبێهیڤیبوونەکا خەمگین، هیڤی بۆ گەلەکێ دروست کرن.
سەرۆک و ب ناڤ سیاسیێن حزبێن دی یان بێهەلویستن یان ژی شیانێن خواندنا واقعی نینن، هندەک جاران ژی ب مەبەست و ژبەر بەرژەوەندیێن شەخسی و حزبی هەمی هەولین وان ئەوە کو گەل و مللەتی بێ هیڤی بکن و یاریا ب چارەنڤیس و هەستێن وان بکن، لێ ئەڤە د دەمەکێ دایە سەرکردە و کەسانێن سیاسی دڤێت شیانێن خواندنا واقعی هەبن و پێشبینیا داهاتی ژی بکەن و ب وژدان و ئەمانەتڤە بۆ ڕایا گشتی دیار بکەن، جوداهیا شاسوار عەبدولواحد دگەل سەرکردێن دی نەکو ب تنێ هیڤیان چێ دکت بەلکو پێشبینیا بوویەرێن مەترسیدار ژی دکت و هشیاریێ ژی ددەت، بۆ نموونە د دەمەکێ دا کو بەحسا ڕیفرادۆمێ دهاتە کرن، بەشەکا سەرۆکێن حزبا بێدەنگ بوون و بەشەکا دی ژی پشتەڤانی لێ کر، لێ شەسوار عەبدولواحد جوداتر ژ وان سەرکردێن تەقلیدی ب وێرەکانا پێشبینیێن خوە بۆ پشتی ڕیفراندۆمێ ئاشکراکرن و هوشیاری دا کو دەرئەنجام دێ مەترسیدار بن و ڕژدبوو کو پێدڤیە مللەت نەهێلن قومار ب چارەنڤیسێ وان بهێتە کرن.
دبێژن هیڤی نیڤا کامەرانیێ یە، لێ هەمی سەرکردە و کەسێن سیاسی نە دخەما کامەرانیا خەلکێ دانە.
ئەندامی ئەنجومەنی باڵای نەوەی نوێ

235 ‌خوێندراوە‌
10/30/2019 11:33:02 PM

زۆرترین خوێندراو