رۆژنامەی شەرقلئەوسەت ڕایگەیاند: نەوەی نوێ لایەنگرێکی زۆری هەیە و رەنگە کوڕەکانی تاڵەبانی سەرکەوتوو نەبن.
رۆژنامەی شەرقلئەوسەت ڕایگەیاند: نەوەی نوێ لایەنگرێکی زۆری هەیە و رەنگە کوڕەکانی تاڵەبانی سەرکەوتوو نەبن.
رۆژنامەی شەرقلئەوسەت بڵاویکردەوە، کوڕەکانی جەلال تاڵەبانی دەیانەوێت کۆنترۆڵی سیاسی و ئەمنی بەسەر پارێزگای سلێمانیدا بسەپێنن بەڵام گومان دەکرێت کە نەتوانن لەمەدا سەرکەوتوو بن، چونکە نەوەى نوێ خاوەنی جەماوەرێکی زۆرە و ٢٤ کورسی پەرلەمانى هەیە. دەشڵێت، ململانێ سیاسییەكە رێگایەكی یاسایی بۆ رەخسێنراوە.
رۆژنامەی شەرقلئەوسەت لە راپۆرتێکدا باسی لەوەکردووە، هەردوو کوڕەكەی جەلال تاڵەبانی سەرۆکی کۆچکردوو، لە رێگادان بۆ سەپاندنی کۆنترۆڵی سیاسی و ئەمنی بەسەر پارێزگای سلێمانی دا و هێشتنەوەی وەک ناوچەیەکی هەژمون بۆ حزبەکەیان دوای دەستگیرکردنی شاسوار عەبدولواحید سەرۆکی جوڵانەوەی نەوەی نوێ.
رۆژنامەکە وتیشی، چاوگە کوردییەکان گومانيان هەیە لەوەی کوڕەکانی سەرۆکی کۆچکردوو بتوانن ئەم کارە بكەن، بە تایبەتی بە لەبەرچاوگرتنی ئەوەی شاسوار عەبدولواحید لایەنگرێكی زۆری هەیە، خاوەنی نۆ کورسی پەرلەمانی عێراق و ١٥ کورسی پەرلەمان لە کۆی ١٠٠ کورسی پەرلەمانی کوردستان.
رۆژنامەی شەرقلئەوسەت ئاماژەی بەوەشکردووە، روخساری ململانێ سیاسیەكە رێگایەكی یاسایی بۆ رەخسێنراوە.
